Toussaint Busuttil : pittur u restawratur

Abstract

Il-Pittur Toussaint Busuttil twieled iż-Żejtun fit-8 ta’ Jannar 1912. Minn ċkunitu kien wera interess fit-tpinġija u kif spiċċa mill-iskola missieru li kien Mastru, kien għadu għand id-disinjatur magħruf Emanuel Xuereb tal-Birgu. Huwa studja għand il-pittur magħruf is-Surmast Lazzaro Pisani u kompla jistudja l-iskola ta’ l-Arti il-Belt Valletta u fl-Accademia Del Belle Arti ta' Ruma. Fl-1932 mar Ruma sabiex beda l-istudji fl-Akkademja Ingliża kif ukoll fl-Akkademja Taljani u wara 4 snin kellu jħalli l-istudji tiegħu u jinżgħel lura Malta minħabba Ii kienet tinħass il-Gwerra ta' l-Abbisinja. Lura Malta hu kien intefa b’ruħu u ġismu fil-pittura u nsibu li x-xogħol tieghu kien imfittex sew, kemm mill-Ingliżi l-Maltin u anke barranin. Toussaint għamel ħafna xogħol ta’ dekorazzjonijiet f’għadd ta’ knejjes madwar Malta u Għawdex kif ukoll għadd ta' Palazzi w VileI, bħall Palazz Maġisterjali, il-Belt Valletta. Toussaint għamel diversi xogħlijiet fil-knisja taż-Żejtun, fosthom il-koppla, is-saqaf u l-lunetti tal-Knisja Parrokkjali taż-Żejtun, kif ukoll l-aħħar biċċa xogħol li ħadem fiż-Żejtun kienu d-disinji taż-żewġ pjanċieri għaż-żewġ baned tal-lokal, kif ukoll il-Bandalora artistika tal-Banda Żejtun.