Adelaide Cini u l-parroċċa ta’ Sta. Venera

Abstract

Adelaide Ċini twieldet il-Belt Valletta fil-25 ta' Ottubru 1838 it-tlettax il-wild ta' Mikiel u Carmela mwielda Galea. Adelaide tgħammdet l-għada tat-twelid fil-Parroċċa ta' San Duminku l-Belt. Mikiel Ċini, missierha, dak iż-żmien kellu fabbrika li tagħmel l-għaġin propju fi Triq il-Kbira San Ġużepp Santa Venera. Biex jevitaw ħafna skariġġ li kellhom li ta' kuljum iridujiġu mill-Belt sa Santa Venera, missierha ddeċieda li jiġu jgħixu f'dar li kellhom mal-fabbrika. Peress li l-familja Ċini kellha fidi qawwija, l-missier kien jorganizza li jitqaddsu tlett quddisiet fil-ġimgħa fil-knisja l-qadima ta' Santa Venera għall-ħaddiema u l-familji. Adelaide l-iżgħar fost ħutha minn dejjem kienet ta' eżempju mat-tfal ta' mparha u fi ċkunitha bdiet titgħallem xi ftit ta' l-iskola għand is-Sinjorina Fortunata de Giorgio u t-tagħlim tad-duttrina għand l-aħwa Machenzie.