Żwieten fix-xogħol tal-faħam

Abstract

Ilum il-ġurnata x-xogħol tal-faħam spiċċa għal kollox. Iż-żejt jew id-diesel ħa postu. Iżda dari, sa ftit iżjed minn sittin sena ilu, l-faħam kien jintuża biex iħaddem il-magni tal-bastimenti jew il-magni kbar fuq l-art, bħat-turbini tal-power station biex jipproduċu l-kurrent elettriku. In-nies tal-faħam kienu l-aktar ġejjin minn tlett irħula kbar ta' Malta. Dawn kienu miż-Żejtun, minn Ħaż-Żebbuġ u minn Ħal Qormi. jistgħu jinkitbu jew jigu rregistrati kemm ma' l-Armirall u kemm ma' diversi aġenti Maltin.Ir-reġstrazzjoni kienet bl-isem u l-kunjom tal-ħaddiem, kif ukoll bil-laqam tal-familja. Dan il-post kien jintiret fil-familja, għalhekk il-familji tal-ħaddiema tal-faħam kienu lkoll magħrufa fir-raħal tagħhom.Ix-xogħol tal-ħaddiema tal-faħam kien jikkonsisti prinċipalment fil-ħatt u ġarr ta' dan il-materjal iswed minn fuq il-vapuri għal ġarr ġewwa l-imħażen u minn ġarr ġol-imħażen għal fuq il-vapuri. Illum il-ġurnata dawn il-ħaddiema spiċċaw, jew aħjar sparixxew mix-xena lokali tax-xogħol, għax l-użu tal-faħam spiċċa għal kollox.