Żewġ ikoni prezzjuzi : il-Madonna tal-Gregi - Belt Valletta

Abstract

Minħabba li l-Belt Valletta kienet spiċċat bħala l-belt kapitali ta' l-Ordni ta' San Ġwann, kif ukoll tal-Gżejjer Maltin, kien hemm diversi komunitajiet reliġjużi li ħasbu ħalli huma stess ikollhom il-lok tagħhom ukoll f'din l-istess belt. Apparti il-komunitajiet reliġjużi li kienu ilhom imwaqqfin fil-gżejjer Maltin minn qabel ma ġew il-Kavallieri fostna, insibu ukoll il-komunita Griega. Din il-komunita kienet telqet minn Rodi flimkien mal-Granmastru L'Isle Adam meta dan mexxa l-kavallieri u r-Rodjani mill-gżira ta' Rodi wara t-telfa tagħhom fis-sena 1522. Wara li fl-aħħar iddeċidew li jaċċettaw 'il Malta, l-istess komunita Griega li kienet baqgħet magħhom, iddeċidiet ukoll li twaqqaf il-kwartieri tagħha ħdejn l-istess protetturi, fii-Birgu. Bil-bini tal-belt Valletta, u t-trasferiment lejn din il-belt mill-Ordni fis-sena 1571, l-istess komunita Griega ħadet ħsieb li anke hi tkun tista' timxi lejn il-Belt, u twaqqaf knisja għal bżonnijiet ta' l-istess komunita. Fil-Birgu kellhom aktar minn knisja waħda, u kien hemm ukoll ikona partikulari, dik magħrufa bhala tad-Damaxxena, li kellha ċertu devozzjoni. Għalkemm, illum il-gurnata din l-ikona għadha miżmuma b'għożża kbira, maż-żmien din ma kinitx l-unika ikona li kellhom il-Griegi. lżda kellha tkun l- aktar waħda li kienet magħrufa, li kellha devozzjoni lejha, kif ukoll l-akbar ikona. lt-tieni ikona kienet dik magħrufa bħala Eleimonitria.