Tiswir ta' glossarju tekniku analitiku mill-lngliż għall-Malti ta' għadd meqjus ta' termini użati u ssuġġeriti fil-qasam ta' l-inġinerija mekkanika (għodod u aċċessorji) kif imħaddma f'firxa ta' manwali magħżula

Abstract

Din ir-riċerka għandha l-għan Ii tiġbor għadd meqjus ta' termini tekniċi (mija b'kollox) fil qasam ta' l-inġinerija u ta' l-inġinerija mekkanika (għodda u aċċessorji), filwaqt Ii tippreżenta analiżi tat-tiswir tat-terminoloġija magħżula fil-Malti. Il-firxa ta' termini tekniċi fil-manwali magħżula għal dan l-istudju hi mill-aktar żviluppata fl-lngliż, madanakollu fil- Malti, dan l-iżvilupp, għalkemm jeżisti xi ftit, m'huwiex daqstant speċifiku u speċjalizzat u xi drabi jitqies limitat u fqir ħafna. Għaldaqstant, dan l-istudju se juri Ii, filwaqt Ii ċerti termini, anke jekk waħdiet, huma stabbiliti fil-Malti, oħrajn m'humiex u għalhekk ikollhom jissawru bl-għajnuna ta' għejuni varji fosthom id-dizzjunarji komuni, dawk tekniċi, konsultazzjonijiet ma' ħaddiem fl-inġenji, inġiniera, esperti fit-traduzzjoni u/jew fil-lingwa u tiftix f'siti elettroniċi.