Operation Husky : l-invażjoni ta’ Sqallija, l-armistizju tal-Italja u parti mill-flotta Taljana f’San Pawl il-Baħar (1943)

Abstract

F'Ġunju tal-1943 f'San Pawl il-Baħar u l-inħawwi tiegħu kien' hemm preżenza qawwija tas-suldati tal-8th Army tal-Gran Brittanja. Dan kien parti mit-tħejjija għall-invażjoni ta' Sqallija. F'din l-operazzjoni, magħrufa bħala Operation Husky, ħafna suldati ħallew gżiritna, fosthom mill-port ta' San Pawl il-Baħar, biex taw bidu għall-proċess li wassal biex l-Italja ċediet f'Settembru tal-1943. Din l-operazzjoni kienet l-ewwel waħda tax-xorta tagħha għall-Allejati. Il-Prim Ministru tal-Ingilterra Sir Winston Chruchill iddeskriva lill-Italja bħala 'the soft underbelly of Europe' imma l-kampanja biex tiġi lliberata l-Italja, li bdiet propju bl-invażjoni ta' Sqallija, kienet waħda diffiċli u ġebbdet sa Mejju tal-1945.