Il-lunetti tar-Rotunda : gieħ lill-artist Giuseppe Calì

Abstract

Kien sewwasew fl-1900, tul il-pontifikat tal-Papa Ljun XIII, l-episkopat ta' l-Isqof Pietru Pace, u l-parrokat ta' l-arċipriet Dun Ġwann Sarreo li ngħata bidu għall-pittura tal-lunetti. Il-prokuraturi tar-Rotunda dak iż-żmien kienu, Dun Ġużeppi Grech u l-maħbub u qatt minsi saċerdot Żabbari, Dun Anġ Camilleri. Dan ta' l- aħħar kien il-moħħ wara diversi opri kbar li jżejnu r-Rotunda. Il-fondi għall-pittura tal-lunetti ta' taħt il-koppla majestuża ta' Grognet ġew imħollija b'wirt mill-ewwel arċipriet tal-Mosta, Dun Pawl Xuereb DD u amministrati mill-imsemmi Dun Anġ Camilleri. Dan ta' l-aħħar fittex li jilħaq ftehim ma' I-artist Giuseppe Cali, li kien diġa' wera l-ħila kbira tiegħu b'diversi xogħlijiet fir-Rotunda. Kien propju fiha li welled ilkarriera tiegħu fil-qasam ta' l-arti sagra tletin sena qabel, permezz tal-kwadru tal-Madonna tar-Rużarju. Kien diga' pitter ukoll l-Inkurunazzjoni tal-Verġni Marija flabside tal-kor fl-1880, barra xi pittura għall-artali laterali