Il-festa Gunju 2013 : id-deċizjoni tal-Kurja Vs il-fehma tal-Organiżżaturi tal-Festa Esterna

Abstract

Wara l-mewt għal għarrieda tal-Arċipriet tal-Parroċċa taż-Żejtun, Fr. Eric Overend li seħħet fit 28 ta’ April 2013, fil-parroċċa nħolqot sitwazzjoni mqanqla minħabba li fi żmien xahar u nofs kellha tkun iċċelebrata il-Festa Titulari ta’Santa Katarina V.M. Il-Kunsill Pastorali flimkien mal-Kunsill Presbiterju kienu ddeċidew u pproponew li l-festa ma kellhiex isir u naraw li din il-fehma kienet differenti minn dik tal-Erbgħa Organiżżaturi, dik tal-Festi Esterni, ċioe’ Għaqda Banda Żejtun, is-Soċjeta Mużikali Beland, l-Għaqda tal-Armar 25 ta’ Novembru u l-Għaqda tan-Nar 25 ta’ Novembru. Wara li ntalbet deċizjoni mill-Kurja, din tal-aħħar ħarġet stqarrija li tgħid li il-festa ta’ Santa Katarina, kemm ġewwa kif ukoll ta’ barra kienet tħassret.