175 sena tindokra l-bajja ewlenija tagħna [San Ġiljan]

Abstract

Id-data tal-1836, li hemm imnaqqxa mal-kolonna li fuqha hemm l-istatwa ta' San Ġiljan tal-ġebel fuq xaqliba minnhom tal-pjazza ewlenija tal-lokalità tagħna - Pjazza Qalb ta' Ġesù - fil-Bajja ta' Spinola, tindika li l din l-istatwa saret jew tal-anqas tqiegħdet hemm f'dik is-sena. U allura dan ifisser li l-imsemmija statwa ilha tindokra l-bajja ta' ġewwa, fil-qalba tal-parroċċa tagħna, għal dawn l-aħħar mija u ħamsa u sebgħin sena. Għal din l-okkażjoni qed nippreżentawlkom hawnhekk, ġabra ta' siltiet minn kitbiet ta' awturi magħrufa u mhumiex, li lkoll għandhom riferenza għal din l-istatwa jew għall-avvenimenti, ġrajjiet u drawwiet marbuta magħha.