Il-Kelma t'Alla fil-ħajja u l-missjoni tal-Knisja : riflessjonijiet fuq l-eżortazzjoni apostolika post-sinodali Verbum Domini

Abstract

Jekk l-Eżortazzjoni Apostolika Post-Sinodali Verbum Domini hija l-iktar dokument ekkleżjali importanti li jitkellem fuq il-Kelma ta' Alla wara l-Kostituzzjoni Dommatika tal-Konċilju Vatikan Il, Dei Verbum, diġà mill-isem biss li ngħatat din l-Eżortazzjoni tidher tendenza ta' emfasi: Dei Verbum tiffoka fuq il-Kelliem Divin, li tiegħu hija l-Kelma tar-Rivelazzjoni u dik miktuba; Verbum Domini tiffoka iktar fuq il-Kelma nfisha. Fil-fatt nistgħu ngħidu mill-ewwel li Verbum Domini tat lura l-valur fundamentali tal-Kelma miktuba fit-TQ li bid-Dei Verbum kien donnu tnaqqar kemm xejn.