Is-soċjalizmu : ġabra ta' kitbiet

Abstract

Dan il-ktieb fih ġabra ta' artikli ta' Lino Briguglio, li nkitbu f'dawn l-aħħar sentejn. L-ewwel tnax fihom tagħrif dwar id-DUTTRINA SOĊJALISTA. Dawn huma rranġati b'mod li kull artiklu jżid ma' ta' qablu, u t-tnax f' daqqa jmissu l-prinċipji fundamentali tas-soċjaliżmu. Imbagħad jinstabu tliet artikli dwar il-MARA. L-ideja ewlenija ta' dawn it-tliet artikli hi li s-soċjaliżmu biss iwassal għall-ħelsien tal-mara. Wara hemm erba' artikli dwar il-PARTITI POLITIĊI ewlenin ta' Malta, jiġifieri l-Partit Nazzjonalista, li huwa anti-soċjalist, u l-Partit tal- Haddiema, li qed iwettaq politika soċjalista-demokratika. lż-żewġ artikli ta' wara huma dwar in-NEO-KOLONJALlżMU. Fl-aħħar nett il-ktieb fih ġabra ta' tmien artikli b'tagħrif ġenerali li għandu x'jaqsam, b'xi mod jew ieħor, mas-soċjaliżmu. Il-ktieb fih għadd ta' riferenzi u noti, li jgħinu l-qarrej jifhem aħjar x'irid jgħid l-awtur. Barra minn hekk, hemm werrej dettaljat tal-kliem. L-awtur ġabar dawn l-artikli f'għamla ta' ktieb bl-għan li jkompli jinfirex it-tagħlim dwar is-soċjaliżmu f'Malta. Il-ktieb m'huwiex maħsub biex ikun xi trattat dwar is-soċjaliżmu, imma biss bħala introduzzjoni, biex min jaqrah jitħajjar jaqra u jistudja aktar dwar dan is-suġġett.