Il-Letteratura tas-snin sittin : proposta pedagoġika għar-raba' sena fi skola sekondarja

Abstract

Din id-dissertazzjoni tippreżenta proġett ta’ unità b’referenza għat-testi letterarji tal-membri tal-Moviment Qawmien Letterarju. Ġew ippreżentati linji ta’ gwida li permezz tagħhom l-għalliema tal-Malti jaslu għat-tfassil ta’ unità dwar is-Snin Sittin. Din l-unità tinkludi għaxar lezzjonijiet bir-riżorsi, fosthom l-antoloġija Taħbit il-Polz, li tiġbor fiha t-testi letterarji magħżula. Il-lezzjonijiet imtarrġa b’tali mod li l-esperjenza letterarja tolqot l-interessi tal-istudenti u twassalhom biex iwessgħu l-kompetenza letterarja tagħhom skont abiltajiet differenti. Il-proġett twettaq billi saru xi lezzjonijiet fi klassijiet tar-raba’ sena. L-evalwazzjoni ta’ din il-proposta saret permezz ta’ analiżi tar-riflessjonijiet personali, l-opinjonijiet tal-għalliema li osservaw il-lezzjonijiet, kwestjonarju lillistudenti kif ukoll intervista ma’ xi għalliema. Ir-riżultati jindikaw li l-unità fuq il-Letteratura tas-Snin Sittin intlaqgħet tajjeb minn dawk li pparteċipaw fiha.