Id-dizzjunarji Maltin

Abstract

Sa mill-bidu tal-kitba tal-Malti inħasset il-ħtieġa li jingabru r-regoli tal-grammatika u jinħoloq alfabet qabel ma awtur ikun jista' jibdni dizzjunarju. Għalehekk jiena niżżilt l-awturi ta' grammatika mal-pjonieri tad-dizzjunarji Maltin. Fix- xogħol tiegħi jiena għafast fuq l-ewwel kitbiet u sensiliet ta' kliem Malti għax, sa fejn naf jien, ftit għadu nkiteb fuq l-ewwel żmenijiet, u kliem li jinsab imxerred f'kotba miktubin b'ilsna oħra għad ma ġiex miġbur flimkien biex jgħin lil min irid iwettaq xogħol ta' tfittix letterarju. L-iskop ta' dan li għamilt ma jwassalnix biex nidħol fl-irqaqat kollha li hemm x'tifli fl-ewwel kitbiet tal-Malti. Jiena kemm tajt ħjiel ta' x'wieħed jista' jfittex aktar bir-reqqa u jagħmel konkluzzjonijiet bla tlaqliq. Xogħol ta' paċenzja kien biex wieħed iqalleb mijiet, jekk mhux eluf ta' paġni, biex jingħarbel il-kliem Malti mill-kitba taljana, latina jew ġermaniża, u jitqabblu il-kliem ta' awturi differenti. Dan ix-xogħol mgħarbel u mqabbel niżżiltu fl-Appendices biex forsi jaqdi 'l ħaddiehor fit-tiftix lessikal biex jinkiseb dawl aktar fuq l-imgħoddi ta' lsien art tweldina. Jisgħobija li mkien ma sibt il-ktieb ta' Skippon biex inkun nista' nsaħħah u ntemm ix-xogħol ta' tkixxif tiegħi. Nittama li fil-ġejjieni inkun nista' nimxi 'l quddiem f'dan il-qasam u nasal għal tagħrif fuq il-Malti kif kien miktub fis-Seklu XVII u qabel.