L-Istatwa titulari ta' Marija Addolorata Sultana tal-Martri : storja u tagħrif fuq ir-restawr

Abstract

L-istorja tal-istatwa titulari ta' Marija Addolorata, meqjuma fi ħdan il-Knisja Parrokjali tal-Madonna tad-Duluri ġewwa San Pawl il-Baħar, għandha storja kemxejn twila. Inizjalment maħsub li ġiet skolpita minn Karlu Darmanin, fil-fatt, l-istatwa hija xogħol Karmnu Mallia magħruf bħala l-Lhudi. Tul ħajjitha, l-istatwa esperjenzat modifikazzjonijiet kif ukoll żieda ta' xi elementi artistiċi, fosthom: it-tneħħija ta' anġlu, iż-żieda ta' erba' puttini fuq il-bradella, l-iskultura tal-bankun u panewijiet b'diversi simboli reliġjużi, u l-pedestall. Bejn l-2004 u l-2005, l-istatwa ġiet restawrata minn Renzo Gauci flimkien ma' John Orlando. Matul il-proċess tar-restawr, minbarra tiswija u modifiazzjoni tal-istruttura li maż-żmien kienet ġarrbet il-ħsara, inkixef il-kulur blu li bih kien oriġinarjament inżebgħa l-mant, sar tisbieħ taż-żebgħa tal-mant u l-induratura, kif ukoll inzebgħu mill-ġdid il-wiċċ u l-karnaġġjon. Dan u aktar jista' jinstab f'din il-kitba.