Padre Fedele da Valletta, OFM Cap (1762c-1824) : predikatur, letterat u poeta

Abstract

Matul is-seklu dsatax u imqar sa l-ewwel kwart tas-seklu tagħna, il-qima lejn Alla u d-devozzjoni lejn il-Madonna u l-Qaddisin, imfissra u mxerrda f'għamla ta' kurunelli u innijiet, għinu ħafna t-trawwim tal-poeżija reliġjuża popolari flilsien Malti. Barra mill-valur letterarju tagħhom l-innijiet sagri u l-kurunelli bil-Malti kienu ta' siwi u ta' għajnuna għall-għarfien aħjar tat-twemmin nisrani (2) mill-kotra tal-poplu li ma kenitx tifhem bit-Taljan u bil-Latin, iż-żewġ ilsna li bihom kien miktub ħafna mit-talb Liturġiku u devozzjonali. Fost il-kittieba li taw l-ewwel sehem "fit-trawwim ta' l-ilsien Malti u fl-esperimentazzjoni teknika u idjomatika tal-lingwa fil-forma poetika" (3), il-Kappuċċin Patri Fidiel mill-belt Valletta aktarx jistħoqqlu l-ewwel post.