Il-manwal tal-President tar-Repubblika

Abstract

Ma jidhirx li nkiteb Manwal li jelenka d-dmirijiet, il-funzjonijiet, id-drittijiet u l-prerogattivi tal-President tar-Repubblika kif joriġinaw fil-liġijiet, fil-prattika u forsi wkoll mill-aspettattiva tal-poplu kollu. Jaqbel li jinkiteb test li jindika din il-firxa ta' servizz. Il-Presidenza għandha dmirijiet fil-qasam eżekuttiv, fil-qasam leġislattiv kif ukoll fil-qasam ġudizzjarju, skond il-qasma tradizzjonali tas-setgħat ta' l-Istat. Barra minn hekk, il-President għandu dmirijiet - mhux delinjati daqshekk bi preċiżjoni legali - fil-qasam iktar wiesa' ta' promozzjoni ta' valuri, ta' simboliżmu, ta' rappreżentanza tal-komunità u ta' relazzjonijiet ma' l-għaqdiet barra mill-istrutturi ta' l-Istat. It-taqsim tal-Manwal għalhekk ser jieħu l-istess tifsila, b'ħames kapitoli.