L-impjieg u l-persuni b'diżabilità : policy nazzjonali

Abstract

Bla dubju ta' xejn, wieħed mill-oqsma principali li jirrigwarda l-persuni b'diżabilità, l-familji tagħhom u dawk li jgħinuhom hu l-qasam tal-impjieg. Mhix eżaġerazzjoni jekk ngħidu li l-impjieg hu cavetta principali li l-maġġoranza tal-persuni b' diżabilità jrid ikollhom biex jiksbu l-indipendenza u l-aqwa kwalità tal ħajja possibli. Għalhekk, hu necessarju li kull riżorsa disponibbli f'kull livell għandha tiġi użata fl-isforzi tagħna biex ninkoraġġixxu, nħarrġu u nsostnu lill-persuni b' diżabilità meta huma jippruvaw jakkwistaw impjieg produttiv, siewi u li joffri dħul finanzjarju adekwat. Dan ix-xogħol għandu jkun ugwali minn kull aspett għal xogħol simili li għandhom persuni mingħajr diżabilità. Dan id-dokument jipprova jittratta dawn l-aspetti u juri t-triq li żviluppi futuri f'dan il-qasam għandhom jieħdu. Dan id-dokument hu maqsum fi tlett partijiet. L-Ewwel Taqsima (li tinkludi t-tabelli u graphs li hemm fl-appendici) tippruva tagħti stampa, l-aktar cara possibli, tas-sitwazzjoni lokali kif kienet sa Ġunju 1994. It-Tieni Taqsima tikkonsisti f'materjal relevanti għall-impjieg ta' persuna b' diżabilità meħud mill-Programm Dinji għall-Azzjoni dwar Persuni b'Diżabilità. Fit-Tielet Taqsima l-Kummissjoni Nazzjonali Persuni b'Diżabilità tippreżenta policy komprensiva nazzjonali f'dan il-qasam. Ezercizju krucjali fil-preparazzjoni ta' dan id-dokument dwar il-policy nazzjonali kien il-konsultazzjoni li għamilna ma' numru kbir ta' persuni u organizzazzjonijiet involuti f'dan il-qasam. Dawn jinkludi persuni b' diżabilità u l-organizzazzjonijiet tagħhom, ministeri, organiżżazzjonijiet parastatali, partiti politici, unions u assocjazzjonijiet ta' min iħaddem. L-abbozz ta' dan id-dokument kien iccirkulata bl-aktar mod wiesa. B'hekk, dan id-dokument għandu l-appoġġ u l-konsensus tal-partijiet principali kollha involuti. B'mod specjali dan id-dokument għandu l-appoġġ u l-konsensus tai-Ministeru ta' l-Edukazzjoni u Riżorsi Umani u tai-Korporazzjoni tal-impjiegi u t-Taħriġ. Mhux hekk biss, imma uħud mir-rakkomandazzjonijiet li hemm fit-Tielet Taqsima diġa bdew jiġu implimentati. [Silta]