Il-perjodu Ingliż mis-Sette Giugno sal-Ħelsien : progett tematiku tal-esperjenza letterarja fir-raba' klassi tas-sekondarja

Abstract

F'dan l-istudju analizzajt ir-rabta li hemm bejn il-Letteratura u l-Istorja b'referenza partikolari għar-rilevanza tal-argumenti għall-klassi tal-letteratura Maltija tar-raba' klassi fil-livell sekondarju. Tajt linji ta' gwida biex l-għalliema tal-Letteratura jagħżlu siltiet letterarji bl-isfond ta' żmien l-Ingliżi f'Malta (1919 - 1979) bħala t-tema ewlenija. Il-qofol ta' dan il-proġett jinsab f'ġabra ta' lezzjonijiet, b'enfasi fuq l-aspett storiku u l-iżvilupp tal-kompetenza letterarja tal-istudenti. Kull lezzjoni tiffoka fuq kunċett letterarju partikolari. Ir-riżorsi ewlenin, fosthom karti tan-noti u tat-taħriġ għandhom iqanqlu l-interess. Din il-proposta ġiet evalwata bi tlett metodi: riflessjonijiet fuq il-prattika, kwestjonarju lill-istudenti, u l-opinjoni ta' għalliema ta' esperjenza dwar dan ix-xogħol tiegħi.