L-Imqabba fil-bidu tas-seklu għoxrin (1902-27) : xi aspetti tal-ħajja soċjali fi żmien it-twaqqif tal-każini

Abstract

Il-bidu tas-seklu għoxrin jikkommemora ċ-ċentinarju mill-ħakma Ingliża f'Malta. L-ewwel tletin sena jaraw lill-Malta tgħaddi minn bosta diffikultajiet fosthom dawk marbuta ma' problemi ekonomiċi bħall-impozizzjoni ta' bosta taxxi, in-nuqqas ta’ impjiegi u sussegwentement problemi relatati mal-għoli tal-ħajja. Ta' min isemmi hawn avvenimenti importanti li ħallew l-effetti tagħhom fuq il-Gżejjer. L-impatt tal-Ewwel Gwerra Dinjija fuq Malta, it-tqanqil tas-Sette Giugno u l-għoti Tal-Kostituzzjoni tas-Self Government fl-1921 jibqgħu jissemmew fl-istorja ta' pajjiżna. Kien ukoll perjodu Ii ra l-infuwenza aktar importanti tal-politiku Malti u d-diskussjonijiet fuq temi importanti bħall-edukazzjoni u l-kwistjoni tal-lingwa. Dan kien żmien fejn l-arċipelagu Malti kompla jesperjenza t-tkattir tal-popolazzjoni minkejja r-rata għolja ta' emigrazzjoni.