Il-mistrieħ tal-bniedem fid-dawl tal-Qur'an

Abstract

Kemm fil-Bibbja, kif ukoll fil-Qur'an, id-diskors dwar Alla hu inseparabbli mid-diskors dwar il-bniedem. Kulma nafu dwar Alla f'dawn iż-żewġ kotba mqaddsa nsibuh f'dawk ir-rakkonti dwar ir-rabta tiegħu mal-ħolqien u, b'mod partikulari, mal-bniedem. Fil-Bibbja, ibda mill-Ktieb tal-Ġenesi, mill-bidu nett tal-ħolqien, Alla qiegħed lill-bniedem fil-quċċata ta' dak kollu Ii ħalaq sabiex dan isaltan fuqu. Il-kunċett tal-bniedem bħala xbieha ta' Alla ngħata ħafna interpretazzjonijiet. Fil-Ktieb tal-Ġenesi naraw Ii l-bniedem huwa tabilħaqq xbieha ta' Alla mhux għax jieqaf dritt (homo erectus), kuntrarju għall-annimali l-oħra, imma għax jingħata delega mingħand Alla Ii tesprimi ruħha fil-ħakma fuq il-bhejjem, fuq l-univers, u fuq id-dnub. Dan il-kunċett hu stedina għall-bniedem biex jitqabad u, fl-istess waqt, iżomm il-qagħda tiegħu b'rabta ma' Alla. Il-bniedem huwa msejjaħ biex jimita Iil Alla fit-taqbida tiegħu kontra l-ħażen, fil-ħidma tiegħu, Ii jirriproduċi l-ħidma ta' Alla: Missieri għadu jaħdem sa issa; meta naħdemj ien ukoll (Ġw 5:17).