It-test dwar il-magħmudija fid-dokument ta' Lima

Abstract

Bejn it-2 u s-16 1a' Jannar 1982 f’laqgħa tal-Kummisjoni Faith and Order (F & O) tal-Kunsill Dinji tal-Knejjes (WCC - World Council of Churches) ġewwa Lima (Peru) ġie approval dokument bl-isem la' Baptism, Eucharist and Ministry, li mbagħad ġie mgħoddi lill-knejjes membri biex jagħtu t-tweġibiet tagħhom dwaru. Dan id-dokument ġie fformulat għaliex huwa twemmin tal-Kunsill Dinji tal-Knejjes Ii kundizzjoni essenzjali biex tintlaħaq l-għaqda viżibbli hu li l-knejjes jaqblu bażikament fuq in-natura u t-tifsira tal-Magħmudija, l-Ewkaristija u l-Ministeru. It-test li ħareġ mil-laqgħa ta' Lima huwa frott la' ħamsin sena ta' studju u laqgħat bejn il-knejjes differenti. Dan il-proċess jaf il-bidu tiegħu lill-Konferenza Dinjija tal-F & O, li wara twaqqfet bħala Kummissjoni, ġewwa Lausanne (Svizzera) fl-1927, Wara diversi Iaqgħat matul is-snin il-materjal Ii ħareġ minn din il-konferenza beda jieħu forma ta‘ dokument li ġie diskuss fi stadju la' kummissjoni ġewwa (Ghana) fl-1974, b'Bangalore (Indja) fl-1978, u fl-aħħarnett f’Lima (Peru) fl-1982. Matul dan iż-żmien kienet qed issir konsultazzjoni kontinwa mal-knejjes membri tal-Kunsill Dinji tal-Knejjes. Sadanittant grupp la' speċjalisti taħt it-tmexxija ta' Max Thurian tal-kommunita ekumenika ta' Taize (il-lum saċerdot kattoliku) fuq abbozz la' dokument dwar Magħmudija, Ewkaristija u Ministeru.