L-Oratorju Qalb ta' Gesù tal-Mosta : bl-istorja u l-istejjer tiegħu

Abstract

L-iskop ta’ din ir-riċerka hija li tagħti xhieda għall-kontribut li ta l-Oratorju Qalb ta’ Ġesù fil-parroċċa tal-Mosta u lil hinn minnha. Kontribut qawwi, kontinwu u sinifikattiv fit-trawwim tal-fidi fost it-tfal. Kontribut daqstant ieħor kruċjali, żelanti u meħtieġ fil-formazzjoni nisranija u ċivika fost l-adoloxxenti u ż-żgħażagħ. F’dan il-ktieb se ssibu l-istorja ta’ din l-istituzzjoni ewlenija fil-Mosta mifruxa fuq medda ta’ mitt sena bejn l-1914 u l-2016. Matul dan il-perjodu ttieħdu diversi miżuri, inbnew għadd ta’ faċilitajiet u kienu involuti numru kbir ta’ pijunieri u esponenti li ddistingwew ruħhom mhux biss fl-oqsma tal-appostolat u l-volontarjat imma, aktar minnhekk, taw bażi soda u sens ta’ direzzjoni lil eluf ta’ tfal u żgħażagħ. Ħafna mix-xogħol twettaq fid-dell, ħafna mill-inizjattivi ntesew maż-żmien u ħafna mis-sagrifiċċji saru bla ma ħadd induna. Issa kien wasal il-waqt li tinkiteb l-istorja sħiħa u kompluta ta’ dan l-Oratorju biex dak li ġara fl-imgħoddi, jaspira u jħeġġeġ lil dak li għad jiġri fil-ġejjieni. [Silta min-Nota tal-Awtur fuq il-Metodoloġija Applikata]