Mit-tnissil sal-mewt tal-bniedem : l-aħħar żviluppi fil-bioetika

Abstract

Meta fl-1932 Aldous Huxley ippubblika l-ktieb profetiku tiegħu Brave New World kulħadd baqa' mistagħġeb bl-immaginazzjoni li kellu u ħadd ma emmen li l-ħolm tiegħu dwar is-setgħa teknoloġika fil-kamp tal-bioloġija u l-medicina seta' xi darba jsir realta. Illum nafu li ħafna mill-profeziji li kiteb dwarhom Huxley saru possibbli u dak li qabel deher bħala fantaxjenza diga beda jsir parti mill-istorja. Is-setgħa li l-bniedem kiseb reċentement fuq in-natura permezz tal-progress mediko-teknologiku ma seħħitx b'inċident. Sa miż-żerniq ta' l- iżvilupp xjentifiku modern, l-għan ewlieni tal-bniedem, bħalma qalu Francis Bacon u Rene Descartes, kien li jaqta' l-għatx tiegħu ghall-ħakma fuq in-natura kollha, inkluża dik umana. Matul dawn l-aħħar tliet mitt sena, il-bniedem tħabat biex fehem izjed il-ligijiet komplessi tan-natura u bit-tkattir fl-għerf tiegħu tax-xjenzi naturali, irnexxielu, pass wara l-ieħor, jifrex il-kontroll tiegħu fuq id-dinja ta' madwaru. [Silta]