[EN]

Il-Junior College qed jorganizza tliet laqgħat ta’ orjentazzjoni għal studenti li jixtiequ jibdew jistudjaw il-Junior College, nhar il-Ħamis 19 ta’ Lulju 2018, fis-sala Sir Temi Zammit, l-Università ta’ Malta, kif ġej:

Kunjomijiet A-C fit-8.30 ta’ filgħodu

Kunjomijiet D-M fl-10.00 ta’ filgħodu

Kunjomijiet N-Z fil-11.30 ta’ filgħodu

Il-Prinċipal, is-Sur Paul Xuereb, u uffiċċjali oħra tal-Kulleġġ ser jindirizzaw lill-istudenti.

Il-Prospectus tal-Junior College ser jitqassam lill-istudenti prospettivi waqt din il-laqgħa. Wara ser ikun onlajn mill-Ġimgħa 20 ta’ Lulju.

Il-Prospectus jinkludi l-informazzjoni neċessarja għall-istudenti biex jagħżlu s-suġġetti u japplikaw. Huwa wkoll gwida essenzjali għall-istudenti matul iż-żmien li jqattgħu fil-Junior College.

Il-programmi ta’ studju imniżżla hawn taħt ser jiġu offruti minn Ottubru li ġej:

1. Kors tal-Matrikola (sentejn)

- L-Ewwel Sena

- It-Tieni Sena

2. Programm Speċjali għall-Atleti Nazzjonali (sentejn)

3. Programm Speċjali għal Studenti Interessati fil-Mediċina u Xjenza (sena)

4. Programm Speċjali għal Studenti b’Diżabbiltà 

(applikabbli biss f’każijiet eċċezzjonali – massimu ta’ 4 snin)

5. Korsijiet Prattiċi ta’ Filgħaxija fil-Bijoloġija u l-Kimika (sena)

Il-Kulleġġ ser joffri guidance service għall-istudenti fl-għażla tas-suġġetti minn nhar it-Tnejn 23 ta’ Lulju 2018. Studenti li għandhom bżonn l-għajnuna, għandhom iċemplu fuq 2590 7201.