Din is-sena l-festival Ix-Xjenza fil-Belt hu mimli b'attivitajiet interessanti madwar it-tema The Science of YOU. Se jkun hemm tliet palkijiet fil-Belt Valletta: ħdejn il-Funtana tat-Tritoni, f’Bieb il-Belt u fi Pjazza Kastilja. Il-Ġimgħa, 27 ta’ Settembru mis-6pm sa nofsillejl, fuq dawn il-palkijiet se jkun hemm spettakli ta’ maġija, żfin, teatru, kummiedja, esperimenti, u dawk l-attivitajiet kollha li jagħmlu dan il-festival suċċess.
Il-koreografa Diane Portelli mill-Kumpanija Moveo Dance se tippreżenta Diversely Typical fuq il-palk ewlieni ħdejn il-Funtana tat-Tritoni. Din hi żifna maħluqa apposta għal dan il-festival bil-ħsieb li tqajjem kuxjenza u tneħħi l-istigma dwar in-newrodiversità u l-imġieba ta’ nies bi mħuħ neuroatipiċi. In-newrodiversità hi dik li x-xjenzati jemmnu li hi varjazzjoni naturali fil-ġeni umani, u li twassal għal kundizzjonijiet bħall-Awtiżmu, Attention Deficit Disorder (ADHD), Oppositional Defiance Disorder (ODD), u Sensory Processing Disorder (SPD), fost oħrajn. Il-festival qed jappoġġja dan il-proġett finanzjament b'aktar minn nofs il-fondi meħtieġa, iżda hemm bżonn ta’ aktar fondi biex din l-wirja tintwera lill-udjenzi oħrajn, inkluż fl-iskejjel. Għal dan il-għan, għadha kemm inbdiet kampanja ta’ finanzjament fuq il-pjattaforma ta’ ZAAR bil-għan li jinġabru l-kumplament tal-flus. Persuni li jixtiequ jikkontribwixxu jistgħu jżuru l-websajt ta’ ZAAR: http://www.zaar.com.mt/projects/diverselytypical/
Wirjiet oħra fuq il-palk jinkludu dramm qasir mill-Iskola Primarja ta’ Ħaż-Żebbuġ, imsejjaħ is- What Superheroes are made of. Iffinanzjat mill-Kunsill Malti tal-Arti, dan il-proġett kreattiv jispjega l-proprjetajiet ta’ materjali, li meta tkissirhom fi nanomaterjali ċkejknin jistgħu jittrasformaw f'materjali kbar. Eżempju wieħed hu l-ħġieġ li jintlewa’ u ma jinkiser qatt. L-atturi żgħar ħarġu bil-karattri li jagħtu lis-supereroj tagħhom kapaċità li l-ebda supereroj ieħor qatt ma kellu. L-iskript inkiteb minn eroj ċkejknin bl-għajnuna ta’ More or Less Theatre.
Esplora se tippreżenta Body Wonders, wirja tad-daħk li tikxef kollox u tispjega l-għeġubijiet tas-sistema diġestiva umana. It-tim Just Add Science magħmul mix-xjenzati Dr James Ciarlo, William Hicklin, Anita Farrugia, u Stephen Vella se jħallat ix-xjenza, il-ħsieb kritiku, u divertiment. It-tema tkopri dinosawri, oġġetti li jżommu f'wiċċ l-ilma, splużjonijiet, temperaturi għoljin, fjammi tan-nar, filwaqt li jirriskjaw il-ġlata jew li jisplodu f’mitt biċċa, kollox f'isem ix-xjenza.
Għal aktar tagħrif dwar The Science of YOU, se jkun hemm żewġ palkijiet oħra fil-Bieb il-Belt u Pjazza Kastilja. L-illużjonista Gwilym Bugeja minn OMG Magic se juri t-tricks maġiċi tiegħu u jispjega l-istrateġiji xjentifiċi fil-marketing. Filwaqt li r-riċerkatur li rebaħ unuri Dr Anthony Galea (Università ta’ Malta), se jispjega t-tibdil fil-klima permezz ta’ globu u ħafna dijossidju tal-karbonju. Att teatrali ieħor hu dwar l-eugenics li se jkun ippreżentat minn Lara Agius u Sean Briffa. Huma se juru atti bin-nar, filwaqt li jispjegaw l-evoluzzjoni tan-nar matul l-istorja.
Ix-Xjenza fil-Belt hi parti miċ-ċelebrazzjoni madwar l-UE kollha. Il-Lejla tar-Riċerkaturi Ewropej hi ffinanzjata minn Marie Skłodowska-Curie Actions tal-Programm Horizon 2020 tal-UE, u minn numru ta’ sponsers korporattivi. Dan hu rrikonoxxut bħala Festival mill-Europe for Festivals and Festivals for Europe (EFFE).
Il-Konsorżju hu mmexxi mill-Università ta’ Malta, il-Kamra tax-Xjentisti ta’ Malta u mill-Fond ta’ Riċerka tal-Università (RIDT), bi sħubija mas-Segretarjat Parlamentari għas-Servizzi Finanzjarji, l-Ekonomija Diġitali u l-Innovazzjoni, il-Ministeru għall-Edukazzjoni u Impjiegi, MCAST, Esplora, JUGS Ltd, Studio 7, BPC International, GSD Marketing Ltd, Aquabiotech Ltd, MEUSAC, PBS, Spazju Kreattiv, il-Kunsill Lokali tal-Belt Valletta, il-Kunsill Malti għall-Organizzazzjonijiet Volontarji, Small Initiatives Support Scheme, More or Less Theatre, Transport Malta, Kreattiv u Creative Community u l-Kunsill Malti tal-Arti.
Il-programm kollu jinsab fuq www.scienceinthecity.org.mt Għal aġġornamenti regolari tista’ ssegwi l-festival fuq Facebook: www.facebook.com/ScienceInTheCityMalta
