Id-Dipartiment tal-Public Policy fi ħdan il-Fakultà tal-Management, l-Ekonomija u l-Accountancy tal-Università ta' Malta qiegħed jipproduċi serje ta' Programmi bl-isem Il-Politika fl-Arti Viżiva, li tiddiskuti l-implikazzjonijiet politiċi f'tant xogħlijiet artistiċi u arkitettoniċi mferrxin f'Malta u lil hinn minnha. L-iskop tas-sensiela huwa dak li jkun magħruf kif id-diversi forom ta' arti viżiva minn żminijiet u pajjiżi differenti interpretaw u rreaġixxew għal mexxejja u ideloloġiji politiċi. Kien hemm għadd kbir ta' każijiet meta l-artisti ġew ikkummissjonati minn dawk fil-poter biex permezz tal-opri tal-arti jelevaw is-supremazija tal-istat jew tal-knisja, waqt li kien hemm artisti oħrajn li użaw il-ħiliet kreattivi tagħhom biex iwasslu messaġġ ta' protesta kontra l-abbuż tal-poter.
Fost temi oħrajn, din is-sensiela se tistħarreġ l-implikazzjonijiet kulturali u politiċi fl-arti klassika, medjevali, rinaxximentali, barokka u kontemporanja, kif ukoll fl-arkitettura militari u funerarja, il-karikatura u l-filatelija. Riċerka, preżentazzjoni u produzzjoni ta' Dr Mario Thomas Vassallo bis-sehem ta' diversi akkademiċi mid-Dipartiment tal-Public Policy flimkien ma' oħrajn ġejjin minn għadd ta' Fakultajiet u Istituti oħrajn tal-Università ta' Malta.
Programm 1: Introduzzjoni: Il-politika fl-arti viżiva
Programm 2: Il-qawwa tal-immaġini - arti u arkitettura
Programm 3: Il-politika u l-ispirazzjoni tal-artist - Mark Schembri, artist
Programm 4: Is-sinifikat tal-arti fis-simboli tal-istat - Andre Debattista
Programm 5: Il-politika fl-arti klassika: Il-Greċja u Ruma tal-qedem - Prof. Horatio Vella
Programm 6: Il-karikatura politika - bil-parteċipazzjoni ta' Ms Simone Chircop
Programm 7: Il-politika fl-arkitettura - Prof. Conrad Thake
Programm 8: Il-politika fl-arti barokka - Prof. Denis De Lucca
Programm 9: Il-politika fl-arti medjevali u rinaxximentali - Prof. Mario Buhagiar
Programm 10: Il-politika fit-teatru u ċinematografija bil-parteċipazzjoni ta' Simone Chircop
Programm 11: Il-politika fl-arkitettura militari - Dr Stephen Spiteri
Programm 12: Il-politika fl-arti moderna - Dr Giuseppe Schembri Bonaci
Programm 13: Il-politika u l-ippjanar urban - Prof. Edward Warrington
Programm 14: Il-politika fil-filatelija u l-uċuħ tal-muniti - bis-sehem ta' Simone Chircop
Programm 15: L-arti fil-kampanji elettorali - Dr George Vital Zammit
Programm 16: Il-politika fl-arti mal-ħitan (murals) - Rev. Dr Carmel Tabone
Programm 17: Il-politika, iċ-ċensura u s-satira - Prof. Godfrey Pirotta