L-Istazzjon tal-Ilma fi Mġarr ix-Xini

Abstract

Grupp ta’ studenti mill-kors tal-arkitettura għamlu diversi żjarat u stħarrġu fil fond fuq ir-rwol tal-binja tal-Istazzjon tal-Ilma fi Mġarr ix-Xini ġewwa Għawdex. L-istorja ta’ dan l-istazzjon teħodna lura fl-1886 meta d-deputat Gvernatur Hely-Hutchison ta’ instruzzjoni lill-enġinier Osbert Chadwick sabiex jagħmel spezzjoni tal-ilma ġewwa il-Gżira ta’ Għawdex. Wara osservazzjonijiet u studju fit-tul tal-kwalita’ ta’ ilma, l-inginier Chadwick kellu f’moħħu tliet widien prinċipili fejn seta’ jinbena stazzjon tal-ilma, dawn kienu Wied ta’ Żejta, il-Wied ta’ Mgarr ix-Xini u l-Wied tad-Dwejra. Wara li tħaffru żewġ xaftijiet f’Imġarr ix-Xini, irriżulta li l-ilma kien ta’ kwalita tajba u seta’ jibda x-xogħol għat-tnehdija tal-istazzjon tal-ilma f’Imġarr ix-Xini. Ix-xogħol kien komplut fl-1901 u fil bidu l-pompa tal-ilma kienet titħaddem permess ta ‘Steam Boiler’, jaħdmu bil-faħam. Għall-aħħar tas-snin ħamsin inbena stazzjon ġdid fis-Sabbara li għadu jaħdem sal-lum. Dan serva sabiex li l-qabda tal-ilma ta’ kuljum ma kenitx biżżejjed, kif ukoll li kien aktar konvenjenti li jaqilbu l-pendil sabiex l-ilma kollu jinġabar in-naħa ta’ dan l-istazzjon il-ġdid dak ta’ Sabbara. Mal-medda taż-żmien din l-istruttura sofriet att ta’ vandaliżmu u b’konsegwenza ta’ dan tinsab fi stat ta’ abbandun u rovina. F’dawn l-aħħar snin saru diversi attentati sabiex jiġi restawrat l-istazzjonu u anke saru studji li jipprovdu bażi tajba minn fejn jista jsir pjan ta’restawr.