Bieb tal-bronż li jfakkar il-Ġublew il-Kbir tal-Mulej u s-Sbatax-il ċentinarju ta' San Ġorġ

Abstract

L-artist John Grima li, għalkemm relativament żagħżugħ, huwa wieħed mill-artisti l-aktar magħrufa ta' pajjiżna. L-artist sema' x'ridna u fettex hu innifsu biex jara x'kienet ix-xewqa tal-ħafna, ħaddem l-intelliġenza li biha għanih Alla, iffoka l-Fidi Kattolika li għandu x-xorti li trawwem fiha u jipprattika, medd idejh għax-xogħol b'assidwita' u perseveranza, ħares fih innifsu l-umilta' tipika ta' min verament għandu l-arti fih, iddiskuta l-ideat li kellu bla preġudizztu u b'disponibilita' li jisma', kellu 5min jitlob għalih u ħareġ b'opra qaddisa li żewġet ma' xulxin il-kontemporanjeta' sagra u l-eternita' divina. Il-bieb tal-bronż ġie nawgurat u mbierek mill-E.T. Mons Isqof Nikol Cauchi, lsqof t'Għawdex u Dekan tal-Kap1tlu Ġorġjan, waqt Velja ta' Talb u Radd-il Hajr li saret fi Pjazza San Ġorġ nhar it-Tlieta 13 ta' Lulju 2004. Ħadu sehem ukoll il-Kapitlu tal-Kolleġġjata Ġorġjana, il-Banda Cittadina "La Stella" u l-Kor 'Laudate Pueri".