Xogħol il-Mostin fil-Kon-Katidral ta' San Ġwann

Abstract

Bla dubju, l-aktar entità artistika ta' importanza strateġika li tinsab issaltan fil-belt kapitali hija l-KonKatidral ta' San Ġwann. Il-kappella tal-Lingwa ta' Franza hija ddedikata lill-Konverżjoni ta' Missierna San Pawl. Din tinsab fil-ġenb, in-naħa tal-lemin tal-Kon-Katidral. Fl-1836, il-Gvern Ingliż kien qabbad lill-artist Malti Ġuże Hyzler biex jagħmel tibdila radikali fiddekorazzjoni li ssawwar din il-kappella. Għal dan ix-xogħol, kien ġie mqabbad l-iskultur Salvatore Dimech mill-Mosta, magħruf bħala 'is-Sartx'. Apparti minn hekk, fil-kappella tal-Lingwa ta' Franza nsibu erba' monumenti tassew sbieħ. Tnejn minnhom saru b'tifkira taż-żewġ Gran Mastri Alof de Wignacourt u ~anoel de Rohan. Dan ta' l-aħħar għandu importanza partikolari għalina l-Mostin. Fil-fatt dan il-monument kien sar fuq disinn tal-Mosti Antonio Mifsud magħruf bħala 'In-Najċi'. L-awtur jkompli billi jgħid li l-Mostin huma ukoll mgħarufin għas-sena tal-bini. Filfatt, meta inħass il-bżonn li jsir restawr fil-Kon-Katidral, kienet kumpanija Mostija li rebħet il-kuntratt sabiex jwettqu x-xogħol.