Ġwanni ta' San Sansun : Karmelitan 1571-1636

Abstract

Ġwanni du Moulin twieled fid-29 ta' Diċembru 1571 ġewwa Sens-de-Bretagne, raħal zgħir fin-naħa ta' fuq ta' Franza, minn Pierre du Moulin u Marie d'Aiz. Ġie mgħammed l-għada. Kien wieħed minn tliet aħwa. Iżda minħabba marda Ii qabditu ta' eta żgħira ħafna, u n-nuqqas ta' kura Ii sab biex ifiq minnha, iċ-ċkejken Ġwanni spiċċa biex għama kompletament ta' tliet snin biss. Ta' għaxar snin, Ġwanni mbagħad safa orfni u mar jgħix maz-ziju Zacharie d'Aiz. Minkejja dawn it-traġedji bikrija fil-ħajja taċ-ċkejken Ġwanni, huwa rċieva edukazzjoni tajba. Huwa studja l-letteratura, l-istorja, il-Latin, kif ukoll tgħallem idoqq diversi strumenti mużikali, fosthom l-ispinet, il-vjola, il-mandore, il-lute, l-arpa, il-flawt, u, fuq kollox, l-orgni, tant Ii ta' tnax-il sena nsibuh jaħdem diġa bħala organista fil-knisja tad-Dumnikani f'raħal twelidu.