Il-knisja tan-Nea Theotókos

Abstract

Il-belt ta’ Ġerusalemm tħares fiha diversi Knejjes u Santwarji marbutin mal-ġrajjiet tal-fidwa. Dawn il-Postijiet Qaddisa ġew imħarsa matul l-ewwel żewġ sekli tal-era Kristjana mill-komunità Lhudija-Kristjana li kienet tifforma l-Knisja-Omm ta’ Ġerusalemm. Meta mbagħad intemm iż-żmien tal-persekuzzjonijiet tal-Imperu Ruman, u l-Imperatur Kostantinu, bl-editt ta’ Milan fi Frar tas-sena 313 ta l-libertà lir-reliġjon Kristjana, u speċjalment wara li ommu Elena żaret l-Art Imqaddsa fis-sena 326, wara li binha Kostantinu kien iddikjara l-Kristjaneżimu bħala reliġjon uffiċjali fl-Imperu waqt il-Konċilju ta’ Nicea (325), fl-Art Imqaddsa beda perjodu ta’ bini ta’ Knejjes u Bażiliċi importanti, b’mod partikulari l-Bażilika tal-Qabar ta’ Kristu f ’Ġerusalemm, il-Bażilika tan-Natività f ’Betleħem, u l-Bażilika tal-Eleona fuq l-Għolja taż-Żebbuġ.