Editorjal : il-kustodja tal-Art Imqaddsa u l-kultura

Abstract

Meta nitkellmu dwar il-Kustodja tal-Art Imqaddsa soltu nagħtu importanza lill-kura tas-Santwarji tal-Fidwa, il-Postijiet Qaddisa tal-fidi tagħna, li huma l-iskop ewlieni tal-preżenza tal-Patrijiet Franġiskani f ’din il-missjoni. Hu veru li l-ewwel raġuni li għaliha l-Franġiskani ilhom preżenti fl-Art Imqaddsa sa mill-1217 hi dik tal-kustodja tas-Santwarji u tat-tqaddis tagħhom permezz tat-talb liturġiku li huma janimaw, l-aktar fil-Bażiliċi tal-Qabar ta’ Kristu f ’Ġerusalemm, tan-Natività f ’Betleħem, u tal-Annunċjazzjoni f ’Nazaret. Hu veru wkoll li l-ħidma tal-Franġiskani tinfirex ukoll fil-qasam tal-kura pastorali u karitattiva tal-komunità Kristjana li tgħix fl-Art Imqaddsa, tal-membri tal-Knisja li huma meqjusin bħala l-“ġebel ħaj” tal-missjoni.