Il-kappella tal-Karmnu f'Ħal-Luqa

Abstract

L-ewwel kappella Ii nbniet fl-1784 ġiet imwaqqa' biex tagħmel spazju għall-kappella ġdida. It-tieni kappella rat il-bidu tal-bini tagħha lejn in-nofs ta' l-1830ijiet. Fis-27 ta' Dicembru ta' l-1842 il-kappella ġiet lesta minn kollox u tbierket mill-Arċidjaknu tal-Katidral Mons. Salvu Lanzon. Din il-kappella kienet tinsab f'tarf ir-raħal ta' Ħal-Luqa li tagħti għal Ħal-Farruġ. Għalkemm l-istruttura tal-kappella ma' ġietx imġarrfa fit-tieni gwerra dinjina, il-kappella rat it-tmiem tagħha mitt sena mit-twaqqif tagħha minn dawn l-inħawi meta l-Gvern Ingliz iddeċieda li jkabbar l-ajrudrom ta' Ħal-Luqa fl -1942. Dan wasal biex il-kappella giet imġarrfa kompletament biex ma tagħmilx ostakli għal inżul u tlugħ ta' l-ajruplani. L-istruttura tal-kappella kienet waħda ferm b'saħħitha tant li meta giet biex taqa' kienet ferm diffċli għal ħaddiema biex jagħmlu dan. Bħala parti mill-kumpens għat-twaqqif ta' din il-kappella l-Gvern Ingliż offra kumpens ta' flus lill-parroċċa ta' Ħal-Luqa. Dawn il-flus gew użati biex jinbena ċentru parrokkjali flimkien ma' kappella ddedikata lill-Madonna tal-Karmnu. L-istil li ġiet mibnija din il-kappella huwa ferm modern minn dik tal-originali.