Ir-raddi u d-dolmens

Abstract

Għalkemm il-gżejjer Maltin huma ċkejkna, l-istorja tagħhom tibqa sejra lura lejn il-preistorja. Bla dubju ta' xejn, waħda mid-diffikultajiet li niltaqgħu magħhom fil-preistorja Maltija hija n-numru kbir ta' raddi fuq il-blat li nsibu mferrxin madwar il-gżejjer Maltin. Dawn ir-raddi jiffurmaw linji parallelli twal kif ukoll qosra mħaffrin fuq il-blat mikxuf. Għalkemm ftit għandna provi, x'aktarx li dawn kienu jintużaw biex jitmexxew karettuni bla roti, li kienet tintrabat magħhom biċċa ġebla biex tiskiddja fuq ir-raddi. Mill-preistorja nsibu wkoll id-dolmens u menhirs, monumenti magħmula mill-ġebel. Id-dolmens huma ġebel ċatt li jkun imqiegħed fuq ġebel iżgħar, filwaqt li menhirs huma ġebel wieqfa. L-użu ta' dawn il-monumenti kien wieħed funerarju u reliġjuż.