Il-Madonna tal-Ġilju fl-arti u l-qima poplari : tliet pitturi minn sekli u kuntesti differenti b'devozzjoni komuni

Abstract

Dan l-artiklu jagħti nformazzjoni fuq il-kult lejn il-Madonna tal-Ġilju f'diversi postijiet, kemm f'Malta kif ukoll barra minn xtutna. L-artiklu hu spirat minn tliet pitturi li jirraffiguraw lill-Madonna tal-Ġilju. Huma ta' ġeneru, żminijiet u oriġini distinti minn xulxin. Dak li fihom komuni hu t-titlu : Madonna del Giglio. Dawn it-tliet pitturi insibhom miżmuma għand il-Kappuċċini fil-Furjana, oħra fil-Mużew Nazzjonali tal-Arti u l-pittura u kappella tal-Madonna tal-Ġilju ġewwa l-parroċċa ta' San Silvestro, fil-Provinċja ta' Ancona fl-Italja. L-awtur jagħtina nformazzjoni fuq il-bankier u Konti Girolamo Tagliaferro, id-destinatarju tal- l-pittura tal-Madonna tal-Ġilju li tinsab fil-Muzew Nazzjonali tal-Arti, li kienu jahsbu li saret mill-artist Tommaso Minardi iżda minn riċerka instab li aktarx kien Luigi Fontana li għamilha. Fil-fatt kien ilu snin fil-Mużew tal-Arti izda dejjem kien magħruf bħala 'Madonna and Child with infant John the Baptist', xogħol ta' Minardi fl-1862. Minkejja dan, studji li saru rninn Dottoressa Marisa Calisti juru biċ-ċar li dan ix-xogħol sar minn Luigi Fontana u mhux minn Minardi, u l-isem tiegħu propja huwa 'Beata Vergine del Giglio'.