Il-formazzjoni tal-kelma fil-Malti : restrizzjonijiet f’numru ta’ suffissi derivattivi magħżula

Abstract

Ir-regoli u r-restrizzjonijiet li jikkundizzjonaw it-tiswir tal-kelma kumplessa normalment jiġu diskussi taħt is-suġġett tal-formazzjoni tal-kelma. Mhux wisq inkiteb fuq dan is-suġġett fil-Malti, speċjalment fil-qasam tal-morfoloġija konkatenattiva u l-affissi derivattivi mislufin. Bis-saħħa tal-korpus tal-MLRS, f’dan l-istudju nanalizza erba’ suffissi derivattivi mislufin, -uż, -ezza, -erija u -aġni, biex nistabilixxi hemmx restrizzjonijiet ta’ natura speċifika fil-Malti li jillimitaw il-mod kif jingħaqdu mal-bażi. Nuri li dawn ir-restrizzjonijiet jistgħu jiġu kkategorizzati fi ħdan qafas stabbilit u li hemm xebh u differenzi, fir-rigward ta’ dawn il-formazzjonijiet, bejn il-formazzjonijiet mislufin u dawk lokali. Nagħlaq b’regola tal-formazzjoni tal-kelma (RFK) li tapplika għall-formazzjonijiet eżistenti u għan-neoloġiżmi. Din irRFK tispeċifika l-informazzjoni fonoloġika, morfoloġika, sintattika u semantika/pragmatika meħtieġa għall-binja tal-kliem kumpless b’dawn is-suffissi derivattivi.