Ġiżwita Għawdxi pijunier fit-twaqqif tal-'APS Bank'

Abstract

Patri Michele Vella S.J. twieled ix-Xagħra, Għawdex fl-1 ta' April 1859. Mar jistudja Franza u s-Sirja, u wara Ii rċieva l-ordinazzjoni mar jgħallem għal erba' snin (1880 -1884) fl-Iskola tal-Giżwiti f'Istanbul, Ii qabel kienet magħrufa bħala Kostantinopli, fit-Turkija. Patri Michele, mbagħad serva għal tmintax-il sena (1889 - 1907) bħala missjunarju fil-Greċja. Meta ġie lura Malta wettaq ħidmietu fost l-istudenti tal-Kulleġġ ta' San Alwiġi bħala Direttur Spiritwali. Kien ukoll iservi fil-knisja Tas-Samra, il-Ħamrun fejn kien jipprietka u jqatta' sigħat sħaħ iqarar. Snin wara sar magħruf bħala saċerdot Ii kellu tabilħaqq għal qalbu l-ġid tal-klassi tal-ħaddiema. B'din il-motivazzjoni, hu ġabar madwaru grupp ta' lajċi magħrufa u waqqaf assoċjazzjoni, The Apostleship of Prayer biex tqiegħed fil-prattika t-tagħlim soċjali tal-Knisja Kattolika. Patri Vella miet nhar is-7 ta' Lulju 1912, f'eta relattivament żgħira ta' 53 sena.