L-impossibbli poetiku : it-tensjoni bejn Malta mara u l-mara Maltija

Abstract

Ħassieba ta' ispirazzjonijiet diversi bħal Eric Hobsbawm (1978), Phyllis Rooney (1991) u Marian Sawer (1996), fost ħafna oħrajn, ikkurnmentaw dwar l-użu ta' simboli u metafori li antropomorfizzaw in-Nazzjon jew l-Istat b'forma ta' mara ideali. Dan l-użu, mifrux fl-ikonografija ta' nħawi u żminijiet differenti aktarx li għandu l-għan li jqanqal reazzjoni emozzjonali għal kunċett astratt bħalma hu l-Istat jew in-Nazzjon, għalkemm skulari oħrajn bħal Eva Feder Kittay (1988) jilmħu proċessi subkonxji marbutin mad-differenza bejn is-sessi. Ix-xbieha femminili ntużat biex timmetaforizza diversi ideat astratti oħrajn, bħal ngħidu aħna l-Libertà (kif tidher fil-kwadru famuż ta' Delacroix), il-Verità, il-Ġustizzja u l-Liġi (kif jidhru fost l-oħrajn f'xogħlijiet ta' Klimt bħal Jurisprudenz) kif ukoll oġġetti inanimati bħal bliet (Best 1995) u lokalitajiet. [silta]