Ġużeppi Saydon PH.C

Abstract

Ġużeppi Saydon kien spiżjar, għalkemm ix-xewqa tiegħu kienet Ii jsir tabib. Kien rappreżentant taż-Żurrieq fil-Kunsill Nazzjonali ta' pajjiżna, President tas-Socjeta Mużikali Santa Katarina bejn l-1923 u l-1930 u Prokuratur tal Fratellanza tal-Madonna tar-Rużarju. Huwa kien ukoll dilettant kbir ta' nar u darba fost l-oħrajn waqt li kien qed jesperimenta fil-kamra tiegħu fid-dar t'ommu ħaditlu t-taħlita. Huwa baqa' ħaj b'miraklu imma nħaraq sew u saritlu ħsara kbir f'subgħajh ta' idejh. Kien tort ta' dan l-inċident li tilef il-kors ta' tabib u baqa' spiżjar. Minkejja l-ħsara kbira f'subgħajh ma kien jaqta' qalbu minn xejn. Huwa iżżewweġ u kellu 8 itfal. Kien jipprepara l-mediċina xorta hu, sar President tas-Soċjeta Mużikali Santa Katarina fejn dam seba' snin. Ħiet id-drapp kollu tat-trofej ta' Triq Santa Katarina dak iż-żmien id-daħla ewlenija tar-raħal, baqa' jaħdem il-bizzilla bic-combini, jaħdem l-arkett, jibni l-ħitan tas-sejjiegħ, jiskolpi fil-ġebla u saħansitra ħadem iż-żewġ kolonni tas-siġar Ii sa llum jintramaw bejn l-istatwa tal-Papa Gwanni Pawlu II. Iva kien ġenju b'idejn dak li jaraw għajnejh jagħmlu idejh. Ġużeppi Saydon li kien devot kbir ta' Santa Katarina miet żgħir a'sitta u erbgħin sena fl-ispluzjoni tat-'time bomb, Ii kienet waqgħet wara l-Knisja nhar il-Ħamis 23 ta'Lulju 1942. 'Shrapnel' tal-bomba laqtitlu rasu u ħallietu mejjet.