Il-lessiku tat-tfal bejn 3 u 13-il sena : Malti jew Ingliż?

Abstract

L-għan ewlieni ta’ dan l-istudju hu li nsib kemm tfal bejn it-tliet snin u t-tlettax-il sena jafu lessiku marbut ma’ ħames kategoriji lessikali differenti. Barra minn hekk, irrid insib liema huma dawk il-fatturi soċjolingwistiċi li influwenzaw kemm jafu lessiku u l-għażla tal-lingwa. Fosthom insibu l-età, is-sess, l-isfont familjari u dak edukattiv. Irrekordjajt lit-tfal darbtejn sabiex noħroġ kemm jafu lessiku u b’liema lingwa jafuh. L-ewwel darba kellimthom bil-Malti u t-tieni darba kellimthom bl-Ingliż sabiex nara jekk il-mod kif nindirizzahom jaffetwax liema lingwa jagħżlu biex iwieġbu. Bis-saħħa tat-traskrizzjonijiet li għamilt għal kull rikording, stajt noħroġ riżultati komparabbli u norbothom ma’ studji lokali u internazzjonali li saru matul is-snin.