Analizi tax-xejriet rettorici u figurattivi fid-diskorsi ta’ Fenech Adami (1986-1987)

Abstract

Din it-teżi tiffoka fuq il-figuri tat-taħdit li tħaddmu f’rabta ma’ kontroversji politiċi speċifiċi li żvolġew matul is-snin tal-1986-87. L-għan ta’ din l-analiżi kritika huwa li jintwera kif l-għodod tar-rettorika u l-letteratura jistgħu jitwettqu f’kuntesti prattiċi ’l hinn mill-qasam letterarju jew artistiku, bħalma hu l-qasam politiku. Għalhekk din it-teżi tistħarreġ id-diskorsi politiċi sabiex tagħraf il-komponenti letterarji li jsawwruhom. Eddie Fenech Adami, serva bħala Prim Ministru ta’ Malta mill-1987 sal-1996, u mill-1998 sa l-2004. Wara kien is-seba’ President ta' Malta bejn l- 2004-2009. Eddie Fenech Adami matul id-diskorsi tiegħu fl-1986-87, kien żmien fejn is-sitwazzjoni kienet imwiegħra fil-pajjiż u għalhekk jixraq kumment fuq l-isfond storiku u politiku li fih seħħu dawn id-diskorsi. Minħabba dan jingħaraf l-għan tal-istrateġiji figurattivi u rettoriċi użati minnu għal dan il-perjodu partikolari b’avvenimenti politiċi li juru d-differenza minn perjodi oħra. Permezz ta’ dawn it-tekniki, il-kelliem irid jipperswadi lis-semmiegħa tiegħu li f’Malta kien hawn il-bżonn ta’ bidla politika.