Innu lill-Madonna tal-Ġilju : l-ewwel żewġ movimenti

Abstract

Għall-okkażjoni tal-mitt sena mit-twelid ta’ Mro. Joseph Darmanin, l-awtur ta’ dal-Innu lill-Madonna tal-Ġilju u dik tal-20 sena mill-iffirmar tal-partitura l-ġdida tal-istess Innu mill-kompożitur innifsu, qtajtha li nikteb sensiela dwaru biex il-qarrej ikun jista’ japprezza aktar dat-teżor mużikali wisq għall-qalb l-Imqabbin. Dwar dan l-Innu kien inkiteb artiklu tajjeb u mimli tagħrif minn Dr. Charles Farrugia B.A. (Hons), PGDipRM (N’Castle), M.A. M.A. (Lond.), Ph.D (Aber) fil-ktieb tal-ewwel festa Mqabbija f’ġieħ il-Madonna tal-Ġilju ta’ dal-millenju. Issa jmiss lili li nitkellem dwaru mil-lat mużikali biex b’hekk inkomplu fejn ħalla seħibna Farrugia. Minn hawn nixtieq nirringrazzja lid-direzzjoni tas-Soċjetà u b’mod partikulari lil Nathan Bonnici, student tal-mużika tal-ewwel sena fil-UoM Junior College tal-interess li wera fil-ħsieb tiegħi li nagħmel analiżi mużiko-letterjarja ta’ dal-Innu.