Il-mużika sagra fil-festa ta' Marija Annunzjata : is-surmast Paul Nani (1906-1986)

Abstract

Paul Nani twieled il-Belt Valletta nhar it-23 ta' Diċembru 1906 minn Anton u Carmela Mifsud. Meta kellu ħames snin beda l-istudji tiegħu fil-pjanu u t-teorija tal-mużika taħt missieru, Carlo Fiamingo u l-kant taħt Gaetano Roveri. Ta' 13-il sena missieru kien diġà beda jħallih imexxi l-orkestra. Kif għalaq 21 sena telaq lejn Ruma fejn kompla jistudja l -kompożizzjoni u l-fuga taħt Vincenzo di Donato u l-orkestrazzjoni taħt Ermanno Wolf Ferrari. Wara tmien snin reġa' lura Malta fejn waqqaf skola tal-mużika u pprova jerġa' jagħti ħajja lill-wirt mużikali tal-familja tiegħu li bih kien kburi ħafna. Fl-1930 inħatar surmast tal-kant fit-Teatru Rjal. Fl-1932 ġie nominat Surmast Onorarju tal-Filarmonika La Valette. Waqqaf orkestra sinfonika u fl-1939 inħatar għalliem tal-mużika mill-British Council.