Xejriet rettoriċi f'Fil-Parlament ma Jikbrux Fjuri

Abstract

Fi żmien maħkum mill-qilla politika tas-sebgħinijiet u t-tmeninijiet f’Malta, kien jenħtieġ li l-irjus taż-żewġ partiti ewlenin Maltin iwasslu l-ideoloġija tagħhom permezz ta’ diskorsi pubbliċi mirquma b’teknika u mekkaniżmi rettoriċi bl-għan li jipperswadu lis-semmiegħa. Fil-Parlament ma Jikbrux Fjuri huwa turija ta’ korla nazzjonali f’soċjetà li taf biss blu jew aħmar. L-awtur jittrasmetti dan l-antagoniżmu f’ambjent distopiku b’personaġġi li jinsabu f’taqtigħa eżistenzjali kif ukoll f’kunflitti mal-karattri superjuri tagħhom. L-għan tal-awtur hu li jistħarreġ ix-xejriet rettoriċi ta’ dawn il-personaġġi kif jixirfu fl-attitudnijiet, l-imġiba u d-diskorsi tagħhom, b’ħarsa aktar fil-fond lejn il-protagonista tar-rumanz, Karlu Manju. Saħħaħ l-analiżi tiegħu b’referenzi għal xogħlijiet Klassiċi ta’ filosfi differenti; fosthom Aristotli, Ċiċerun u Djoġene b’referenza għal studji aktar riċenti dwarhom.