Karikatura, lirika u struttura f'"Samuraj"

Abstract

Minn żmien Ġan Anton Vassallo (1817-1868) 'l hawn l-ilsien Malti ma baqax biss l-għodda sempliċi, spontanja u mhux mirquma tal-kotra bla tagħlim, iżda beda jitrawwem f'lingwaġġ meqjus li jaqdi wkoll lid-dispożizijonijiet għolja tal-kittieb. Il-mewġa ta' qawmien u rivalutazzjoni ta' skemi soċjali u ta' fehmiet estetiċi li ġeb miegħu r-romantiċiżmu tas-seklu dsatax messet ukoll lix-xtut ħiemda ta' Malta u minn żmien dan il-kuntatt importanti 'l quddiem l-imħuħ fokati bdew iqumu u r-ruħ nazzjonali bdiet tikseb sura u tfittex ir-mezzi ta' espressjoni. Ir-romantiċiżmu Ewropew seddaq ħsieb ġdid li jdur madwar il-patrija, l-għajn ta' kull nebħa artistika u soċjali jew politika. Minflok il-bniedem ċittadin tad-dinja kollha, kif emmnu l-iHuministi kosmopolitiċi, daħal il-bniedem ċittadin ta' art partikulari, u b'hekk tnissel in-nazzjonaliżmu romantiku. Minflok letteratura li tissodisfa biss il-qosti formalii u li tfittex motivi ta' żina u bravura teknika, daħl et qajl qajl l'etteratura b'kontenut ħaj, awtentiku u kontemporanju. Il-konfront bejn iż-żewġ żminijiet kien bejn il-klassiċiżmu bħala l-arti ta' l-imgħoddi mejjet u r-romantiċiżmu bħala l-arti tal-preżent ħaj.