L-użu tal-midja soċjali għat-tagħlim tal-lingwa studju fuq il-paġna ‘Kelma Kelma’

Abstract

Din it-teżi tistħarreġ fil-fond Kelma Kelma, paġna li bdiet fuq Facebook u li l-għanijiet primarji tagħha huma li tiċċelebra l-ilsien Malti, tesponih, u fl-istess ħin teduka lil kull min isegwiha. Għaldaqstant, fl-ewwel kapitlu nħares lejn il-letteratura u nara x’qed isir barra minn Malta fir rigward tal-użu tal-midja soċjali għat-tagħlim tal-lingwa. Fit-tieni kapitlu jiġi spjegat il-proċess tal-ġbir tal-informazzjoni li sar permezz ta’ intervista mal-amministratur ewlieni ta’ Kelma Kelma, u diskussjoni ma’ tmien persuni li jsegwu l-paġna. Aktar tard, dawn iż-żewġ diskussjonijiet jiġu analizzati b’mod tematiku, analiżi li twassal għad-diskussjoni fit-tielet kapitlu fuq sitt temi komuni. Fl-għeluq jiġu diskussi t-tweġibiet tat-tliet mistoqsijiet tar-riċerka li joħorġu meta l-analiżi u l-letteratura jiġu mqabbla flimkien.