Fra Elija Grech OFM (1865-1951)

Abstract

Fra Elija Grech twieled il-Mellieħa fit-12 ta' Marzu 1865. Fid-19 ta' Ottubru 1884 daħal fl-Ordni Franġiskan u beda n-novizzjat fil-Kustodja Maltija ta' San Gwann Battista. Fid-19 ta' Ottubru 1885 għamel l-ewwel professjoni u fit-18 ta' Diċembru 1891 għamel il-professjoni solenni fi-Art lmqaddsa. Ma kienx juri kapaċitajiet suffiċjenti għall-istudji tal-filosofija u t-teologija, u għaldaqstant is-superjuri tiegħu ma ressquhx lejn is-saċerdozju imma għadda ħajtu bħala fra lajk. Fra Elija miet f'Ġerusalemm fit-3 ta' Novembru 1951 u ndifen fiċ-ċimiterju tal-Franġiskani tal-Kustodja tal-Art lmqaddsa fil-Ġetsemani, fejn dak iż-żmien kienu jindifnu l-patrijiet li jmutu Ġerusalemm. Kellu 87 sena u kien ilu Franġiskan 66 sena. Elija ħalla manuskritt ta' mitt paġna dwar iċ-ċerimonji u l-istatus quo li jiġi mħares fil-Bażilika tal-Qabar ta' Kristu. Dan il-manuskritt, imħares fl-Arkivji tal-Kustodja tal-Art lmqaddsa, hu speċi ta' regolamenti għas-sagristani tal-Qabar ta' Kristu. lgib it-titlu "Per uso del Primo Sagrestano del Santissimo Sepolcro. Opera del Primo Sagrestano del Sepolcro Fra Elia Grech OFM, da Malta"