Perspettivi kritiċi fit-triloġija tal-‘Fiddien’

Abstract

It-triloġija tippreżentalna diversi trufijiet li l-qarrejja jkunu qegħdin jeħduhom bħala ħjiel ta' diversi misteri li ma jifhmux mill-ewwel, u li fl-aħħar dawn it-trufijiet jingħaqdu flimkien biex jifformaw għoqda ta' avvenimenti li jibdew jagħmlu sens. Personalment, l-ewwel ktieb ħallieni bla kliem u mħawda għall-aħħar għax jurik ċerti affarijiet u jaħbilek oħrajn, tant li r-raġunamenti li tibda tagħmel ma jibdew iwasslu għal imkien. L-aħħar kapitlu ta' 'Sqaq l-Infern' – l-ewwel ktieb fit-triloġija – inissel f‟moħħ ilqarrej taħwid u kurżit li jġiegħlu jkompli jaqra l-ktieb ta‟ wara biex jiskopri kif tiżvolġi l-istorja. Mill-bidu naraw li kull kelma li tingħad ma tkunx ingħadet għalxejn iżda ftit ftit tibda tinduna bl-implikazzjonijiet kollha li kien hemm moħbija bħal ngħidu aħna, matul irrakkont kollu nsibu diversi referenzi għall-fidda u għall-wirdien li kollha b'xi mod jibnu bil-mod ċerti konnessjonijiet mal-'Fiddien'.