Iż-żwieġ djalogu ta' mħabba prinċipji u għajnuniet

Abstract

Il-għaqda intima tal-familja u ta' l-imħabba bejn il-miżżewġin, imwaqqfa minn Alla fil-ħolqien u regolata b'ligijiet proprji, titwaqqaf fuq il-patt taż-żwieġ, jigifieri fuq il-kunsens personali u irrevokabbli. Ta' forma monogama ż-żwieġ isieħeb miegħu il-fekondita, L- indissolubbilta u l-fedelta: tliet kwalitajiet li, flimkien mal-qdusija, huma s-suggett tad-duttrina tal-Knisja. Ghalhekk la hu semplici komunita u lanqas unjoni ghal certu zmien jew limitat b'xi kundizzjoni jew riserva. Hu rabta totali, esklussiva u irriversibbli. Il-profeti tat-Testment il-Qadim ħarsu lejn ii:-żwieg fid-dawl tat-twaqqif originali tiegħu minn Alla fil-Ġnien ta' l-Għeden, u bħala tixbieha jew figura ta' l-alleanza bejn Alla u l-umanita. Skond din l-interpretazzjoni, l-adulterju hu simbolu ta' l-abbandun ta' Alla min-naha tal-poplu. Fit-Testment il-Ġdid, imbagħad, ir-rabta taż-żwieġ u l- imħhabba bejn il-miżżewġin hi mxebbha ma' l-imħabba dejjiema bejn Kristu u l-Knisja tiegħu.