Drogi : implikazzjonijiet soċjo morali

Abstract

Il-lum kulħadd jaf kemm ix-xjenza daħlet f'ħajjitna u twaħħdet magħna. Kulħadd ikollu jistqarr li l-Bniedem wasal fi stat fejn mhux talli ma jistax jeħles mill-ħakma tax-xjenza fuqu imma talli l-istess xjenza se tbiddel il-ħajja tiegħu fuq l-art. Tbiddilha żgur. Tbiddilha għat-tajjeb jew għall-ħazin skond liema triq jaqbad l-istess Bniedem fl-applikazzjoni tagħha. U bħal'kull ħaġa li teffettwa mill-qrib il-ħajja u l-imġieba tal-Bniedem, ix-xjenza nnifisha tidħol fil-kamp ta' l-Etika Morali. Ghalhekk ix-xjenzjat ghandu jirregola Drugstiftix u l-applikazzjoni tal-għerf xjentifiku skond il-Liġi Morali kif mogħtija minn Alla u mfissra mill-Knisja. Fl-idea tiegħi, ħadd ma jista' jagħmel ġid lill-umanita daqs ix-xjenzjat li jirrispetta lil Alla u ħadd ma jista' jagħmli ħsara daqs dak li ma jibżax minn Alla. Ix-xjenza, speċjalment dik applikata, minn dejjem kellha seher fuqi. Kien għalhekk li minn mindu bdejt dan il-kors ra' Studji Reliġjużi, dejjem xtaqt li nagħmel ftit riċerka dwar xi aspett tax-xjenza vis-a-vis il-Morali Nisranija. L-għażla waqgħet fuq is-suġġett tad-DROGI; suġġett li jista' jkollu implikazzjonijiet serji mill-lat morali u soċjali min barra dak xjentifiku [...].